+998 77 131-24-44 24/7
KingRax Мақолалар Дўконнинг орқа хонаси: захира товар учун стеллаж ва жойлаш

Дўконнинг орқа хонаси: захира товар учун стеллаж ва жойлаш

Орқа хонада товар харидорга кўрсатилмайди, шунинг учун нархгич ва орқа панелли савдо стеллажи шарт эмас. U ерга омбор ёки уй-офис стеллажи қўйилади: метр ҳисобида арзонроқ, токчаси чуқур ва қутилар бемалол сиғади.

Жалол Мурад, KingRax Бош Менежери 14.11.2026
Захирада нима сақланадиМос стеллаж
Қутилар ва қадоқланган товарЕнгил юк стеллажи, 50 см чуқур
Оғир товар: ичимлик блоклари, қопларЎрта юк стеллажи, 60 см чуқур
Майда товар, тор хона ёки йўлакУй-Офис Стеллажлари, 30–40 см чуқур
Девор бўйлаб учта омбор стеллажи, олдида қадоқланган кийимлар
Девор бўйлаб учта омбор стеллажи, олдида қадоқланган кийимлар

Қайси стеллаж қачон

Енгил юк стеллажи — орқа хона учун одатий танлов. Баландлиги 200 см, чуқурлиги 50 см, 4 қават; узунлиги 120, 150 ёки 200 см. Нархи 1,102,000 сўмдан (H200/L120/W50).

Ўрта юк стеллажи — захирада оғир товар кўп бўлса. Чуқурлиги 60 см, баландлиги 200, 250 ёки 300 см. Нархи 1,838,000 сўмдан (H200/L120/W60). Ўрта юк стеллажининг ҳар қавати L120 ва L150 да 200 кг гача, L200 да 300 кг гача кўтаради; 4 қаватли комплект — 800 ва 1,200 кг гача.

Уй-Офис стеллажи — тор хона ёки коридор учун: чуқурлиги 30 ёки 40 см, баландлиги 180 ёки 200 см, узунлиги 100 ёки 120 см. Нархи 796,000 сўмдан (H180/L100/W30).

Нархни метр ҳисобида солиштиринг: Девор Бўйлаб Стеллаж H195/L100/W50 — 1,225,000 сўм, яъни метри 1,225,000 сўм. Енгил юк стеллажи H200/L200/W50 — 1,470,000 сўм, метри 735,000 сўм. Залда савдо стеллажи керак, орқа хонада эса омбор стеллажи етади.

Тор хонага қаторлар

Хона кенглиги = стеллажлар чуқурлиги + йўлак. Орқа хонада одатда бир киши ишлайди, шунинг учун 1–1,2 м йўлак етади; аравача билан товар туширилса — кенгроқ.

Икки девор бўйлабҲисобКеракли хона кенглиги
Уй-Офис стеллажи, W400,4 + 1,0 + 0,41,8 м дан
Енгил юк стеллажи, W500,5 + 1,2 + 0,52,2 м дан
Ўрта юк стеллажи, W600,6 + 1,2 + 0,62,4 м дан

Хона жуда тор бўлса, стеллажни фақат битта девор бўйлаб қўйинг — йўлак кенг қолади. Кенгроқ омборлар учун ҳисоб: Омборда йўлак кенглиги.

Мисол: 3 × 4 м орқа хона

Эшик қисқа деворда. Икки узун девор бўйлаб енгил юк стеллажлари қатори: ҳар қаторда 2 та L150 стеллаж, узунлиги тахминан 3 м — эшик олдида 1 м га яқин бўш жой қолади. Йўлак: 3 − 0,5 − 0,5 = 2 м, қутили аравача бемалол ўтади.

Ёнма-ён турган стеллажлар битта устунни бўлишади, шунинг учун ҳар қатор — 1 комплект ва 1 қўшимча секция (1 та устун, 8 та тўсин ва 8 та токча):

Ҳисоб, енгил юк H200/L150/W50Сўм
1 комплект1,225,000
1 қўшимча секция: 122,000 + 8 × 62,000 + 8 × 62,0001,114,000
Бир қатор2,339,000
Икки қатор4,678,000

Нархлар 2026-йил 14-ноябр ҳолатига. Тўртта алоҳида комплект 4,900,000 сўм бўларди — қўшимча секциялар билан 222,000 сўм тежалади. Қисмлар: Стеллажлар Қўшимча Аксессуарлари, «Омбор Стеллажлари Қисмлари» бўлими. Батафсил: Омбор стеллажлари қатори.

Захирада тартиб

  1. Товарни турига қараб жойланг ва ҳар токчага ёрлиқ ёпиштиринг: керакли қути тез топилади.
  2. Тез сотиладиган товар захираси — эшикка яқин. Зални тўлдиришга энг кўп юрадиган йўл қисқа бўлади.
  3. Оғир товар — пастки қаватда, енгил ва катта қутилар — юқорида.
  4. Янги келган товарни орқага, эскисини олдинга қўйинг. Муддати бор товарда биринчи келгани биринчи сотилади.
  5. Қутиларни полга қўйманг. Пол бўш бўлса, хона тоза туради ва йўлак торайиб қолмайди.
  6. Эшик, электр шит ва ўт ўчиргич олди доим бўш бўлсин.

Кейинги қадам

Дўкон ва орқа хона ўлчамини юборинг — менежер бепул 2D/3D лойиҳа тайёрлайди: зал учун савдо стеллажлари, орқа хона учун омбор стеллажлари, сони ва нархи билан. Фарқи ҳақида: Савдо стеллажи ёки омбор стеллажи.

Фойдали мақолалар

Барча мақолалар

Металл стеллажлар нархи

H — баландлик, L — узунлик, W — кенглик, D — токча чуқурлиги; ўлчамлар сантиметрда.

Тахминий ҳисоб

Девор ёки қатор узунлигини ёзинг — қайси стеллажлар сиғади ва нархи дарҳол чиқади. Хона ўлчамидан тахминий жойлашувни ҳам кўриш мумкин.

Бепул 2D/3D Лойиҳа Сўров қолдириш