+998 77 131-24-44 24/7
KingRax Мақолалар Стеллажни хавфсиз йиғиш ва ишлатиш: 10 қоида

Стеллажни хавфсиз йиғиш ва ишлатиш: 10 қоида

Стеллаж текис полда, йўриқнома бўйича йиғилиб, кўрсатилган юкдан оширилмаса — узоқ ва хавфсиз хизмат қилади. Қуйидаги 10 қоида кафолат шартлари ва оддий эҳтиёт чораларига асосланган: уларга амал қилинса, кафолат ҳам сақланади.

Достон J, KingRax Омбор Менежери 13.11.2026
Бурчакка қўйилган омбор стеллажлари: кўк устунлар, тўқ сариқ токчалар, 4 қават
Бурчакка қўйилган омбор стеллажлари: кўк устунлар, тўқ сариқ токчалар, 4 қават

Йиғишда

  1. Пол текис бўлсин. Нотекис полда стеллаж қийшаяди ва юк бир томонга оғади. Ўрнатишдан олдин жойни бўшатинг ва тозаланг.
  2. Йўриқнома бўйича йиғинг. Йиғиш ва фойдаланиш йўриқномасини +998 77 131-24-44 рақамидан олиш мумкин. Йўриқномада кўрсатилганидек маҳкамланг — маҳкамланмаган стеллаж кафолатга кирмайди.
  3. Деталларни аралаштирманг. Бошқа ишлаб чиқарувчи деталлари мос келмаслиги мумкин; улар билан йиғилган стеллаж хавфли ва кафолатдан чиқади.
  4. Конструкцияни ўзгартирманг. Кесиш, пайвандлаш ва қўшимча тешик очиш стеллажни заифлаштиради.

Ишлатишда

  1. Кўрсатилган юкдан оширманг — на битта токчага, на бутун стеллажга. Савдо стеллажининг токчаси 50–80 кг, енгил ва ўрта юк омбор стеллажининг қавати 75–300 кг гача кўтаради — тизим ва узунликка қараб.
  2. Оғирни пастга, енгилни тепага. Юкни токча бўйлаб тенг тақсимланг, бир нуқтага тўпламанг, отиб ёки юқоридан ташлаб қўйманг.
  3. Зарбадан сақланг. Аравача ёки штабелёр урилиши устунни эгади. Омборда йўлакларни аравача кенглигига қараб қолдиринг: Омбор стеллажини танлаш.
  4. Намдан сақланг. Очиқ ҳавода ёки нам жойда стеллаж занглайди; бундай фойдаланиш кафолатга кирмайди.

Кўчириш ва текшириш

  1. Кўчиришдан олдин қўнғироқ қилинг. Бошқа жойга кўчириб қайта йиғилган стеллажга кафолат амал қилмайди — аввал +998 77 131-24-44 рақамига қўнғироқ қилинг. Кўчиришдан олдин токчаларни бўшатинг.
  2. Мунтазам текширинг. Эгилган токча, қийшайган устун, бўшаган илгак ёки тушиб қолган стопперни кўрсангиз — юкни олиб, сабабини аниқланг.

Токчага чиқманг ва стеллажни нарвон ўрнида ишлатманг: юқори токчага нарвон билан етинг.

Носозлик бўлса

Кафолат муддатида (12 ой) стеллаж кўрсатилган юкни кўтармаса, бепул таъмирланади ёки алмаштирилади. Мурожаат тартиби ва муддатлари: Стеллаж кафолати: нимага берилади ва нимага берилмайди. Ўрнатишни ўзимизга топширсангиз: Ўлчаш ва Ўрнатиш.

Фойдали мақолалар

Барча мақолалар

Металл стеллажлар нархи

H — баландлик, L — узунлик, W — кенглик, D — токча чуқурлиги; ўлчамлар сантиметрда.

Тахминий ҳисоб

Девор ёки қатор узунлигини ёзинг — қайси стеллажлар сиғади ва нархи дарҳол чиқади. Хона ўлчамидан тахминий жойлашувни ҳам кўриш мумкин.

Бепул 2D/3D Лойиҳа Сўров қолдириш