+998 77 131-24-44 24/7
KingRax Мақолалар Дўкон йўлаклари қанча кенг бўлиши керак

Дўкон йўлаклари қанча кенг бўлиши керак

Дўкон майдонига қараб стеллажлар орасидаги йўлак кенглиги: 20 м² дан 300 м² гача тавсия этилган ва энг кам ўлчамлар, эшик ва касса олдидаги жой.

Жалол Мурад, KingRax Бош Менежери 13.11.2026

Қисқа жавоб

Дўкон майдониТавсия этилган йўлакЭнг ками
20–50 м²100–120 см80 см
50–100 м²110–140 см90 см
100–150 м²130–160 см110 см
150–300 м²160–180 см140 см

Майдон айнан 50, 100 ёки 150 м² бўлса, кейинги — каттароқ — қатордаги ўлчам олинади. 20 м² дан кичик дўконга биринчи қатор, 300 м² дан каттасига охирги қатор тўғри келади.

Nam Asfalt рангли икки томонли стеллажлар, токчаларида сим тўсиқлар
Nam Asfalt рангли икки томонли стеллажлар, токчаларида сим тўсиқлар

Йўлак қандай ўлчанади

Йўлак — икки стеллажнинг полдаги жойи орасидаги масофа: токча четидан эмас, стеллаж полдаги чуқурлигининг четидан ўлчанади. Савдо стеллажларининг полдаги чуқурлиги:

ТизимДевор бўйлаб стеллажИкки томонли стеллаж
35/3045 см80 см
40/3550 см93 см

Қатор учидаги кўндаланг йўлаклар ҳам шу қоида бўйича ўлчанади.

Қачон торроқ йўлак қилиш мумкин

Тавсия этилган кенглик — биринчи танлов. Ундан торроқ йўлак фақат икки ҳолатда қилинади: дўкон тавсия этилган йўлакларни кўтара олмаса ёки яна бир қатор сиғмасдан жуда катта бўш жой қолиб кетса. Шунда ҳам йўлак энг кам ўлчамдан тор бўлмайди. Ортиб қолган жой барча йўлакларга тенг бўлинади.

Эшик ва касса олди

  • Эшик рўпарасида, эшик кенглиги бўйлаб, эшикдан 140 см гача бўлган жойга стеллаж қўйилмайди.
  • Касса қўйилса, олдиндан уч нарсани аниқланг: касса ортидаги девор стеллажлари қоладими ёки олиб ташланадими, кассир учун касса ортида қанча жой керак ва харидорлар учун касса олдида қанча жой керак.

Бурчакдан қатор бошлаш

Бурчакда — масалан, бурчак билан эшик орасида — янги қатор фақат у ерга камида L100 стеллаж сиғса бошланади. Қисқароқ стеллажлар (L50–L70) қўшни девор қаторининг орқасида қолиб, деярли кўринмайди.

Режани тузиб берамиз

Дўкон ўлчамларини юборинг — KingRax менежери йўлакларни шу қоидалар бўйича ҳисоблаб, режа тайёрлаб беради: сўров қолдиринг.

Фойдали мақолалар

Барча мақолалар

Металл стеллажлар нархи

H — баландлик, L — узунлик, W — кенглик, D — токча чуқурлиги; ўлчамлар сантиметрда.

Тахминий ҳисоб

Девор ёки қатор узунлигини ёзинг — қайси стеллажлар сиғади ва нархи дарҳол чиқади. Хона ўлчамидан тахминий жойлашувни ҳам кўриш мумкин.

Бепул 2D/3D Лойиҳа Сўров қолдириш